بالفيديو.. شاهد شيرين تعتزل السوشيال ميديا لهذه الأسباب

512
شيرين عبد الوهاب
شيرين عبد الوهاب

شاركت الفنانة شيرين عبدالوهاب، عبر صفحتها على موقع التواصل الاجتماعي “انستجرام”، بيان كتابي بتقنية الفيديو، أعلنت خلاله اعتزالها السوشيال ميديا ومواقع التواصل الاجتماعي.
وجاء نص البيان كالتالي: “أنا عارفة ومتأكدة إن الأغلبية متصالحين مع أنفسهم ومحترمين.. ولو أنا كنت ببص للناس اللي كارهة نفسها وكارهة نجاح الآخرين ومش عاجبها حاجة.. مكنتش اتقدمت في حياتي ولا أنجزت أي حاجة”.
واستكملت: “أنا نزلت بوست للبنان عشان حبيت أساعد بأي حاجة أقدر عليها.. واللي أقدر عليه هو صوتي.. أنا مش طبيبة ولا مهندسة.. وده اللي ممكن أساهم بيه.. علشان لو ساهمت بفلوس مهما كانت هتبقى قليلة”.
واستطردت: “ولما شفت التعليقات على منشوري الأخير اكتشفت إن مهما الإنسان عمل مش هيعجب الناس .. ده غير إنهم مرة يحملوني ويسقطوني.. ومرة يجوزوني.. ومرة يطعلوني معنديش انتماء لبلدي”.
واختتمت: “فبما إن أنا شخص مش مغلوب على أمره.. قررت أقفل كل حاجة ليها علاقة بالسوشيال ميديا.. عشان مأذيش نفسي ولا المتابعين المحترمين اللي هتقرأ التعليقات.. أرجو من محبيني ميزعلوش مني، عشان دي حاجة هتريحني وتفرحني”.

View this post on Instagram

A post shared by Sherine Abdel-Wahab (@sherine) on